Policia greke ka lëshuar një urdhërarrest gjatë të hënës kundër kryetarit të PAOK-ut, Ivan Savvidis, si dhe katër personave të tjerë.
Ky urdhërarrest është lëshuar, pasi biznesmeni ruso-grek u fut në fushë duke tentuar t’i qëroj hesapet me gjyqtarët, pas golin që iu anulua skuadrës së tij.
Në minutën e 89-të, gjyqtari e anuloi një gol të PAOK-ut për shkak të pozitës jashtë lojë dhe kjo gjë nuk i pëlqeu kreut të klubit, i cili hyri në fushë.
Por, sipas Skai TV, një prokuror ka nisur një hetim në natën e së dielës rreth Savvidisit që hyri në fushë me një armë në brez.
Sipas këtij mediumi është lëshuar një urdhër për arrestimin e tij dhe policia po e kërkon atë. Megjithatë, urdhërimi ka të bëjë vetëm me hyrjen e tij në fushë dhe jo me faktin se Savvidis pati një armë me vete.
Katër persona tjerë të përfshirë në incidentet që çuan në anulimin e ndeshjes së ligës kundër AEK-ut në mbrëmjen e së dielës gjithashtu kërkohen nga policia me kërkesë të prokurorit.
Askush, madje as oficerët e policisë në detyrë, nuk lejohen të mbajnë armë në stadiumet e futbollit.
Pas këtij rasti në një ndeshje aq të madhe, drejtuesit e shtetit kanë vendosur pezullimin e përkohshëm të kampionatit.
“Kemi vendosur të pezullojmë kampionatin. Nuk do të lejojmë rinisjen e kampionatit për aq kohë sa nuk do të kemi miratuar një ligj të ri, të konsoliduar me të gjithë aktorët, përfshirë dhe UEFA-n”, ka thënë ministri nga Ministria e Sporteve të Greqisë, Giorgos Vasiliadis. /arbresh.info/
Marrëveshja për emigracion me Italinë, Rama për ‘Reuters’: N...
Sërish atentat ndaj Trump, arrestohet një burrë me armë dhe ...
Njihuni me vendin ku banorët jetojnë më gjatë se kurrë
Neurologu tregon moshën në të cilën duhet të ndaloni konsumi...
Del në shitje Audi Quattro e rrallë e vitit 1985
Miliarderët e teknologjisë janë në rrugën e duhur për t’u bë...